Միշտ էլ կարծել եմ, որ հայկական շոուբիզնեսին պակասում են աշխույժ, մեծ էներգետիկայով, ռիթմի զգացումով և գոնե որոշակի մակարդակ ունեցող պարային շարժումներով տեսահոլովակներ: Իսկ այս տեսահոլովակը քիչ թե շատ լրացնում է այդ պակասը: Սոֆի Մխեյանը միշտ էլ ունեցել է իր ուրույն ոճը և տարբերվել է իր պարային և ռիթմիկ տեսահոլովակներով:Տեսահոլովակը նոր է հայտնվել համացանցում և արդեն արժանացել է, ինչպես գովասանքների այնպես էլ որոշակի քննադատական մեկնաբանությունների:
Նախ սկսեցին քննադատել տեսահոլովակում էրոտիկ տարրերի առկայությունը , ինչն ուղղակի ծիծաղելի է: Ավելի լավ է հետևել ներկայացվող նյութի որակին, քան թե սկանդալային հայտարարություններ անել: Եթե այս տեսահոլովակը ունի բաց տեսարաններ, ապա ի՞նչպես կարելի է անվանել, օրինակ, Ռիփիի տեսահոլովակները:
Իսկ հետո էլ սկսեցին մեղադրել պլագիատի մեջ:
Ըստ իս, տեսահոլովակի վրա շատ լավ աշխատանք է կատարված, և պետք չէ թերագնահատել ակնհայտ տարբերությունը հայկական էստրադայի երգերի մի մեծ զանգվածից, որոնք իրոք մեկը մյուսից ոչնչով չեն տարբերվում: Թերություններ էլ կան, բայց անթերի ոչինչ չի լինում: Եկեք ուղղակի լինենք հանդուրժող,հարգենք մեկս մյուսի կարծիքը ու մեր սովորույթի համաձայն ամեն մի կատարված աշխատանք չքլնգենք: Չէ որ, Հռոմը մի օրում չի կառուցվել:
No comments:
Post a Comment