Ֆաբերժե (Մաս 1)

Առաջին անգամ այս հավաքածուն ինձ գրավեց ընկերներիցս մեկի տեղադրած նկարները դիտելուց հետո:

Գրեթե բոլորն են լսել Ֆաբերժե ձվերի մասին: Հիասքանչ ու աննկարագրելի գեղեցկություն: Կարլ Ֆաբերժեյի ֆիրմայի հավաքածուն ստեղծվել է  ռուսական կայսերական ընտանիքի և անհատ գնորդների համար: Հայտնի են հավաքածուի 71օրինակ, որից 52-ը համարվում են թագավորական: Առաջին ձուն պատվիրվել է Ալեքսանդր Երրորդի կողմից, որպես Զատիկի անակնկալ իր կնոջը՝ Մարիյա Ֆյոդորովնային : Անակնկալը հաջողվեց և Ֆաբերժեն ստացավ պատվեր ամեն տարի պատրաստել մեկական այդպիսի ձու:

Ավանդույթը շարունակեց Նիկոլայ Երկրորդը, որը ամեն տարի նվիրում էր երկու ձու՝ մեկն արդեն այրիացած մորը՝ Մարիյա Ֆյոդորովնային, մյուսն իր կնոջը՝ Ալեքսանդրա Ֆյոդորովնային: Հայտնի 71 ձվից մեզ է հասել միայն 62-ը, որոնցից 54-ն են պատրաստվել կայսերական պատվերով:  Ամեն մի այսպիսի ձու  պատրաստելու համար պահանջվել է գրեթե մեկ տարի: 19-20-րդ դարերում մեկ ձվի արժեքը տատանվել է 3000-8000 ռուբլի: 

Ալեկսանդր III -ի  թագավորության տարիներին

1./ 1885թ. 

2. /1886թ

3./ 1887թ.

4./ 1888թ.

0

Ապրիլ 1-յան կատակներ

Վերջապես եկավ իմ ամենասիրած տոներից մեկը՝ Ապրիլի 1-ը:
Ինչքան էլ զբաղված լինեմ  չեմ կարող այս առիթը բաց թողնել ու չհիշատակել այս տոնի չարաճճիություններից մի քանիսի մասին:
Բոլորս էլ սիրում ենք յուրօրինակ կատակներ անել ու օրվա վերջում գլուխ գովալ այդ կատակներով: Ինձ թվում է, որ ամենահաջողված կատակները հիմնականում նրանք են, որոնք ինքդ ես մտածում` այդ պահի թելադրանքով : Սակայն կարելի է օգտվել նաև փորձված տարբերակներից: Ներկայացնեմ դրանցից մի քանիսը:

Կատակ 1:
Առավոտյան արթնանում եք առաջինը: Տան բոլոր ժամերը մի ժամ առաջ եք տալիս: Ձեր տան անդամները ամբողջ օրվա ընթացքում ամեն ինչ կանեն 1 ժամ շուտ:

Կատակ 2:
Մի քիչ դաժան կատակ է, բայց ապրիլի 1-ին արժե փորձել: Գիշերվա ուշ ժամին, երբ հավանաբար զոհը քնած է, զանգահարում եք նրան ու հրեշտակային ձայնով ասում.
- Հայաստանի Հանրապետության բարի գործերի նախարարությունը մաղթում է ձեզ բարի գիշեր:
Կրկնում եք զանգը մի քանի անգամ:

Կատակ 3:
Կրկին զանգ:
-Բարև ձեզ: Ձեզ զանգահարում են հեռուստացույցների նորաբաց խանութից: Ձեզ հեռուստացույց պե՞տք է:
-Ոչ:
-Ուրեմն ասեք ձեր հասցեն և մենք հենց հիմա կգանք:
-Ի՞նչի համար:
-Ձեր հեռուստացույցի հետևից:

Կատակ 4:
Վերցնում եք լվացքի փոշու դատարկ տուփը: Նրա մեջ լցնում եք կաթի փոշի և ընկերական շրջապատում հանում եք լվացքի փոշու տուփը ու սկսում եք ուտել, բոլորին համոզելով, որ շատ համեղ է:

Կատակ 5:
Տան օճառի վրա քսեք եղունգի անգույն լաք: Ոչ մեկ չի կարողանա օգտվել օճառից:

Կատակ 6:
Այս կատակը կհաջողվի այն մարդկանց հետ, ովքեր այդքան էլ գլուխ չեն հանում տեխնիկայից, համակարգիչներից և համացանցից:
1000 դրամը նախապես դնում եք համակարգչի CD-ROM-ի մեջ: Իսկ հետո հանկարծակի հիշում եք, որ ձեր էլէկտրոնային հասցեին գումար են փոխանցել: Բացում եք ձեր հասցեն ու համակարգչից հանում եք գումարը:

0

Odnoklassniki-ի ծննդյան նվերները

Ճիշտն ասած որոշել էի չանդրադառնալ Odnoklassniki.ru-ին: Բայց դե գաղտնիք պահել չեմ կարողանում: :ՃՃՃՃՃ  Այսօր Odnoklassniki-ն 6 տարեկան է: Շնորհավորում եմ: Մտածու՞մ եք այսքանը ու վերջ: Ոչ:
Ես ավելի շատ ցանկանում էի հայտնել, որ ծննդյան առթիվ բոլոր նվերները արժեն 5 OK:  Օգտվել այդ հնարավորությունից չեմ կարող, բայց գոնե ուրիշները կօգտվեն: :ՃՃՃ 

0

Ալաբալանիցա

Տարբերակ 1 և տարբերակ 2

0

"Ալաբալանիցա"-ն արդեն on-line

Բոլոր նրանք, ովքեր չեն հասցրել դիտել ֆիլմը կինոթատրոններում, կամ ինձ պես՝ միայն մի տարբերակն են դիտել, կարող են ֆիլմի 2 տարբերակներն էլ գտնել այս հասցեում:
Բարի կինոդիտում:

0

Նվիրվում է այն ուսանողներին, ովքեր 4 տարվա մեջ ամբողջ կուրսով չեն հավաքվել...

 Շատ տարօրինակ է հնչում: Ինչպե՞ս կարող է խումբն այնքան անկազմակերպ լինել, որ բացի քննությունների ժամանակ գրադարան գնալուց՝ ուրիշ ոչ մի վայրում չկարողանան հավաքվել: Մի քիչ կոպիտ ասեմ, բայց հենց ուսանող լինելը պարտավորեցնում է ակտիվ կյանք վարել, զվարճանալ, ամեն ինչով հետաքրքրվել ու ոչ միայն գիտելիքի, այլ նաև ուրախ էմոցիաների պաշար հավաքել կյանքի համար: Սակայն շփվելով շատ ու շատ ուսանողների հետ հասկանում եմ, որ երբ գալիս է ուսանողական կյանքի վերջին տարին` նրանց մեծամասնությունը նույնիսկ հասցրած չեն լինում ճանաչել միմյանց... Ու այդ ամենի պատճառը անհամախմբվածությունն է: Ի՞նչ պետք է անել այս դեպքում:  

1. Լիդեր: Այսպիսի խնդիր ունեն հիմնականում այն խմբերը, ովքեր չունեն լիդեր: Այս դեպքում առաջին հարցը, որ պետք է լուծել դա հարմար թեկնածու գտնելն է: Իսկ դա այդքան էլ դժվար գործ չէ: Առաջնորդ կամ լինում է, կամ էլ ընդհանրապես չի լինում: Այսքանով ամեն ինչ ասված է: Առաջին դեպքում անհնար է չնկատել այն ուժեղ անձնավորությանը, ով կարող է համախմբել ամբողջ խմբին, երկրորդ դեպքում ստիպած կլինեք սպասել այնքան ժամանակ, մինչև ինչ-որ մեկը նախաձեռնությունը իր ձեռքը չվերցնի :
2. Պատահականություն: Դասերի կեսից հանկարծակի որոշեք ինչ-որ տեղ գնալ: Պարզ է, որ ոչ ոք ոչինչ չի պլանավորում դասի ժամին: Հետևաբար ոչ ոք չի կարող պատճառաբանել, որ իրեն հարմար չի:
 3. Պրակտիկա: Ամբողջ խմբով գնացել եք պրակտիկայի, որը հաստատ շատ կարճ է տևելու: Օգտվեք առիթից և տուն գնալու փոխարեն լավ ժամանակ անցկացրեք:
 4.Մենք և դուք: Եթե անհույս փորձեր եք անում հավաքել ամբողջ խումբը, երբեք մի օգտագործեք հատևյալ արտահայտությունը. <<Մենք գնում ենք, ով ուզում ա գա, ով չի ուզում թող չգա>>: Առանց դրա էլ պարզ է, որ ով  չի ուզում, չի գալու: Ի՞նչ իմաստ ունի լարվածություն առաջացնել միմյանց հանդեպ:
 5.Սկզբնական օրվա պահպանման կանոն: Եթե կոնկրետ մի օր եք որոշել, ոչ մի դեպքում չհետաձգեք այդ օրը:  Դա միայն ավելորդ թերահավատություն կառաջացնի ամբողջ խմբի մոտ: Բացի դրանից, եթե այսօր 30 հոգուց ինչ-որ մեկին հարմար չի, վաղը կամ մյուս օրը հաստատ մեկ ուրիշին չի լինելու հարմար:
6.  Մեր խումբը անկազմակերպ է: Թևաթափ  մի եղեք ասելով.<< Մեր խումբը անկազմակերպ է ...>>: Յուրաքանչյուրը պետք է առաջին հերթին իր իսկ մեջ փնտրի սխալը ու փորձի շտկել դա:
Եթե այնուամենայնիվ այս ամենը փորձելուց հետո չի ստացվում հաճելի ժամանակ անցկացնել ձեր խմբի հետ, հոգ չէ... Կան նաև ալտերնատիվ եղանակներ... Օր. Զվարճանալ զուգահեռ խմբի ուսանողների հետ, որն ավելի կազմակերպված է քան ձեր խումբը: Հանդիպել նախկին դասարանցիների հետ ու վերհիշել հին օրերը և այլն: Ընդամենը ցանկություն է անհրաժեշտ ու մի փոքր երևակայություն:
Կապ չունի թե ինչպիսի խումբ ունեք դուք... Ոչ մի դեպքում պետք չէ վատնել ձեր ուսանողական տարիները: Դրանք կյանքի լավագույն տարիներն են: Երբ ունես և ազատություն, և ժամանակ՝  անելու համար այն բոլոր խենթությունները, որոնք մինչև կյանքիդ վերջ կստիպեն քեզ ժպտալ: 

0

Ախ այդ մաթեմատիկան...Տնով տեղով հումոր ա...

Մաթեմատիկոսից հարցազրույց են վերցնում:
- Որտե՞ղ եք աշխատում:
- Մաթեմատիկական ինստիտուտում:
- Որն է ձեր աշխատանքի էությունը:
- Ես ուսումնասիրում եմ Ֆրեդհոլմի առաջին կարգի հավասարումը:
- Ձեր հոբբի՞ն:
- Ֆրեդհոլմի երկրորդ կարգի հավասարումը:

***

-Ինչ է նշանակում՝ սովորել, սովորել և նորից սովորել արտահայտությունն իրականում:
-Մեկ քննություն և երկու վերահանձնման հնարավորություն:

***

Մաթեմատիկայի քննության ժամանակ դասախոսն ուսանողին պատրաստվում է 3 նշանակել:
-Խնդրում եմ, ինձ 2 նշանակեք, որ կարողանամ 5- ի վերահանձնեմ:
-Լավ, եթե լուծեք այս խնդիրը կստանաք ձեր 2-ը, եթե չլուծեք`3:

***

Հոգեբուժարանով մի մարդ է բղավելով վազում.
-Ես ձեզ կդիֆերենցեմ... Ես ձեզ կինտեգրեմ...
Բոլորը վախից փախնում են, իսկ նա ոգևորվելով դրանից ավելի ուժեղ է սկսում բղավել: Բայց նկատում է անկյունում նստած մի հիանդի, ով ուշադրություն չի դարձնում նրա վրա: Մոտենում է ու բղավում.
-Ես քեզ կդիֆերենցեմ... Ես քեզ կինտեգրեմ...

-.....
-Չես լսու՞մ: Ասում եմ ես քեզ կդիֆերենցեմ... Ես քեզ կինտեգրեմ...

- Հա բայց ես "е^х" եմ...
- Ես էլ քեզ ըստ y-ի կդիֆերենցեմ... :D

 ***

0

Չելենտանոյի վերադարձը կամ ինչպես հիասթափեցնել իտալական ֆիլմերի թագավորին

Երեկոյան, երբ վերջապես  որոշեցի անջատել համակարգիչս, ու բոլոր նորմալ մարդկանց նման գնալ քնելու հանկարծ ականջիս հասավ մի ձայն: Փոքր ինչ խռպոտ, սակայն բավականաչափ հրապուրիչ ու գրավիչ, որը կարծես թե վրդովված ինչ-որ բանից՝ բարձրաձայնում էր իրեն փոթորկող հարցերը...

Ու ինչպես կարելի էր չճանաչել այդ ձայնը: Ինչքան եմ երազել այդ ձայնով կատարված երգերի ներքո, երազել հասնել ինչ-որ բանի այս կյանքում ու ձգտել լավագույնի:
Չէ, Չէլենտանոն այն մարդը չի, ում երգերը լսելուց սկսում ես վերհիշել նախկին սերդ, սկսում ես տխրել կամ ուրախանալ: Չելենտանոն այն մարդն է, ում երգերը լսելով ուզում ես շուռ տալ աշխարհը, ուզում ես լինել առաջինը, ուզում ես բոլորին հայտնես քո մասին, որ դու կաս, գոյություն ունես ու քո այդ խղճուկ գոյությամբ պատրաստ ես մի օգտակար բան անել: Միաժամանակ հիշում ես  նաև անհոգ մանկությունդ, երբ լիաթոք ծիծաղում էիր նայելով նրա ֆիլմերը: Սիրում եմ քեզ, Չելենտանո:
Նա արդեն 74 տարեկան է, սակայն Սան Ռեմոյի իր ելույթի ժամանակ կարելի էր անվերջ լսել ու լսել նրան: Կարելի էր պարզապես լսել առանց հասկանալու, թե ինչի մասին էր խոսում այդ "տարեց երիտասարդը", ու կարևոր չէր նա երգում էր, թե խոսում՝ միևնույն է ոչ մի կերպ չէր լինում կտրվել էկրանից: Ոչ ոք չէր կարող փոխարինել նրան՝ իր խարիզմայով, իր հետաքրքրությամբ, դահլիճը լարված պահելու իր ունակությամբ: Արդեն 10 տարի է, ինչ Չելենտանոն չի տալիս համերգներ և հարցազրույցներ, սակայն նրա ալբոմները դուրս են գալիս յուրաքանչյուր տարին մեկ:

0

Ճաշակի կրիզիսն ա ձեր նմաններին դարձնում "Գլամուրոտ" դեմք...

Գլամուր...  հմայք, շարմ, գրավչություն, ինչ որ տեղ շքեղություն... Ահա թե ինչ ենք պատկերացնում մենք "գլամուր" ասելով: Բայց ինչքանո՞վ են մեր պատկերացումները համապատասխանում իրական գլամուրի նշանակությանը: Չէ՞ որ նույնիսկ այդ ասպարեզի մասնագետներն են ամեն մեկը յուրովի մեկնաբանում դա:
Անձամբ ես, կողմնակից եմ ֆրանսիացիների տարբերակին, ըստ ինչի գլամուրը՝ դա ինքդ քեզ ներկայացնելու հմտություն է, նուրբ շարմ, բոլորից՝ էլեգանտորեն և առանց արհեստականության առանձնանալու շնորհ է: Իրական գլամուրը՝ դա բնական հարդարանքն է, զուսպ շքեղությունը, ձգտումը լինելու կանացի:
Սակայն ովքե՞ր են ներկայիս գլամուրները. սովորական ձևամոլներ, մարդիկ՝ ովքեր չունեն սեփական "ես"-ը, ովքեր չեն կարողանում տարբերվել, ու ովքեր պարզապես պրիմիտիվ "copy-paste" են:
Այդպես էլ պիտի լիներ: Մարդիկ "գյուղից" գալիս են "քաղաք", միանգամից ինֆորմացիայի մեծ հոսք, որն ամբողջությամբ չի հասցնում մարսվել ուղեղի կողմից, ու ընկնելով փայլփլուն ու շողշողունի հետևից, դառնում են "գլամուր": Միանշանակ ասածս չի վերաբերվում բոլորին:
Իսկ այդ նույն "ԳլամուՌոտ" դեմքերը գոնե գիտե՞ն թե գլամուռն ինչ ա. Գոնե կարողանում են օրիգինալ շորը տարբերել, ինչպես իրենք են ասում՝ "պադզեմկի տակի պադդելկից". չէ հա... Շատ խիստ կասկածում եմ: Երևի բրենդերն էլ չկարողանան տարբերել: Բայց մեկ ա իրենք գլամուռ են, որովհետև իրենց "odno"-ի էջերում միշտ գլամուրնի ստատուսներ են, միշտ գլամուրնի աղջիկների նկարներ են` պուպուշիկ շունիկներով, մեծ ակնոցներով, շպիլկա կոշիկներով, հոլանդական վարդերով, սուտի թանկանոց հեռախոսներով ու ուրիշի մեքենաներով... Որովհետև իրենք տնից դուրս գալուց առաջ "գյաջվում" ու մազերը գզզում են իրենց անշուք  ու անհետաքրքիր էությունն քողարկելու համար, որովհետև իրենք "լավ"-ի փոխարեն "լՅավ" են ասում, որովհետև իրենք "վերջն" են...
Բա մեր գլամուր, ամոթ էլ չլինի ասեմ "տղաները": Իրենք արդեն էլ ռաբիս չեն, իրենք արդեն "մոդայիկ" են: Իրենք գիտեն թե քլաբն ինչ ա, իրենք գիտեն ֆեյսքոնթրոլն ու դրեսքոդն ինչ ա: Բայց մի հատ չեն մտածում, որ դուրս են գալիս մարդամեջ: Որ ամեն մի միջավայր համապատասխան վարք և հագ ու կապ է պահանջում: Այս ամենը բերում է նրան, որ մի օր մեր "գլամուրներից" մեկին հանդիպելով ու հագուկապին նայելով, ով չոլկի տակից պատմում էր թե անցաց գիշեր քլաբում ոնց էր աղջիկ "կպցնում", աղջիկը կարող ա չդիմանա ու ասի.՝
-Վայ, էս տղեն իմ շալվարից ա հագել, սրան ո՞ր մի աղջիկը կնայի:
Ու այստեղ մի հարց է իմ մոտ առաջանում:
Ովքե՞ր են ավելի տհաճ ու անտանելի: Ռաբիսնե՞րը (made in sovet) թե՞ սուտի գլամուրները (made in China): Երևի մի օր էլ իրենց համար ՎՍ բաթթլ կանենք...
Եղեք յուրօրինակ, ոչ թե համատարած "made in China":

0

Ինչպես են ազատվում բաժանման արդյունքում առաջացած սթրեսից: Ամուսնալուծության խնջույք:

Անշուշտ մենք, հայերս, սովոր ենք ունենալ մեծ,  ճոխ ու աննկարագրելի շքեղ հարսանիքներ: Ամեն գնով մեկի հարսանիքը պետք է մյուսին չզիջի, լինի դա պարտք անելով, վարկ վերցնելով, թե գրավով:

Անմոռանալի հարսանյաց արարողությունից հետո, երբ թվում է, թե քո կյանքում սկսվել է մի նոր հեքիաթային փուլ, լի ռոմանտիկայով,  սիրով ու երջանկությամբ, մոռանալով կյանքի դառը ու դժար փորձությունները՝ նորապսակները փորձում են կառուցել իրենց ընտանիքը: Սակայն միշտ չէ, որ մեր պատկերացումները իդեալական ընտանիքի մասին համընկնում են իրականության հետ, իսկ ինչն ավելի վատ է, միշտ չէ, որ զույգերի պատկերացումներն են համընկնում իրար հետ:
Անցնելով առօրյա հոգսերին, ու միապաղաղ կյանքին,  շատ նորապսակների մոտ սկսվում է դժվարությունների փուլը:  Ու ցավոք նրանցից ոչ բոլորն են կարողանում պահպանել իրենց ընտանիքը: Ինչի արդյունքն են ամուսնալուծությունները:
Իսկ ո՞վ է ասել, որ այն՝ ինչը սկսվում է ուրախությամբ, չի կարող նույն ուրախությամբ էլ ավարտվել...

0

Աղաբլիթ: Սնոտիապաշտություն թե ավանդույթ...

-Մի բաժակ ջուր կտաս…
Ահա վերջացավ մեր շատ սիրելի և ամենասպասված տոներից մեկը՝ Ս.Սարգիսի տոնը:

Ինչպես ամեն տարի` բոլոր երիտասարդների ուրախությանն ու երջանկությանը չափ ու սահման չկար: Երևանի փողոցներում տիրում էր սիրային ու տոնական տրամադրություն: Բոլորը ուրախ էին, կամ գոնե ձևանում էին ուրախ, որ կողքինների տրամադրությունը չփչացնեին: Ոմանք իրենց զույգերի հետ էին, ոմանք էլ մտովի էին գտնվում ու պատկերացնում իրենց տոնը սիրած էակի կողքին...
-Ուռաաաաաաաաաա, աղաբլիթ ենք ուտելու,- կասեին շատերը, բայց նույնիսկ այդ մտքից անգամ սկսում ես ծարավել:
Ճիշտն ասած ես այդքան էլ չեմ հավատում աղաբլիթի զորությանը,այդ պատճառով այս տարի մի մեծ բաժակ ջուր խմեցի ու քնեցի: Կամ էլ հավատում եմ, դրա համար էլ չկերա... Ու Փառք Աստծո, որ չկերա...
Ասեմ ավելին մեր ժամանաներում, եթե փողոցում ասենք, որ հավատում ենք աղի բլիթին շատերը մեզ սնոտիապաշտ կանվանեն, սակայն քահանաները աղաբլիթ ճաշակելը սնոտիապաշտական սովորույթ չեն համարում: Այն ժողովրդական ավանդույթ է: Նրանք խորհուրդ են տալիս, որ այս սովորույթը երիտասարդների համար չդառնա առանցքային: «Եթե երիտասարդներն իրենց ողջ հույսը կապում են այս ավանդույթի հետ, ապա այս երևույթը կարող է վերածվել սնոտիապաշտության»,- օրերս հրավիրված ասուլիսում ասաց Տեր-Շմավոն քահանա Ղևոնդյանը:

0

Լեգենդար "Titanic"-ը վերադառնում է նոր 3D տարբերակով

Այս տարի լրանում է լեգենդար Տիտանիկի խորտակման հարյուրամյակը: Իր հարյուրամյակին "Տիտանիկը" վերադառնում է  3D տարբերակով:

1997 թ նկարահանված և 11 "Օսկարի" արժանացած այս ֆիլմը կներկայացվի այս տարվա գարնանը, իսկ ավելի կոնկրետ ապրիլի 6-ին: Ֆիլմի ռեժիսյոր Ջեյմս Քեմերոնը "Տիտանիկի" ֆեյսբոււքյան էջում ասել է`. "Ես ոգևորված եմ ետ բերելու Տիտանիկը մեծ էկրաններին" , շնորհակալություն հայտնելով ֆիլմի երկրպագուներին՝ "Տիտանիկին հավատարիմ մնալու համար":
Ես ինքս անհամբեր կսպասեմ շատ շատերի կողմից այդքան սիրված ու հուզումնալից ֆիլմի վերադարձին:
Հիշեցնեմ, որ նավը 1912թ. ապրիլի 10-ին մեկնեց Նյու Յորք, սակայն ապրիլի 14-ին բախվելով այսբերկին՝ խորտակվեց: Նավում կար 2224 մարդ, որոնցից փրկվեցին ընդամենը 711-ը: Պատկերացնելու համար Տիտանիկի մեծությունը այն կարելի է համեմատել՝

0

Sesame. Gmail-ի նոր պաշտպանությունը ստեղնաշարային լրտեսներից

Google ընկերությունը փորձարկում է Gmail մուտք գործելու նոր եղանակ, հայտնում է The Verge բլոգը:
Այն հնարավորություն է տալիս օգտվողներին ստուգել էլ. փոստը

հասարակական վայրերում, ինչպիսիք են օրինակ ինտերնետ սրճարանները, առանց վախենալու,որ իրենց գաղտնաբառը կարող է հայտնվել այլ անձանց մոտ:
Ստեղնաշարային լրտեսներից պաշտպանվելու համար Google-ն առաջարկել է օգտվել սմարթֆոններից: Օգտատերը, մուտք գործելով հատուկ հղմամբ, պետք է սմարթֆոնի միջոցով նկարահանի համակարգչի էկրանի վրա բերված QR կոդը: Կոդը մշակելուց հետո,հեռախոսի էկրանին հայտնվում է Gmail-ի մուտքի էջ: Իր տվյալները մուտքագրելուց հետո օգտատերը կկարողանա մուտք գործել Gmail:
Իսկ գաղտնաբառը մուտքագրվում է միայն հեռախոսի միջոցով: Այս նոր մեթոդը ստացել է Sesame անվանումը: Նշենք, որ ծառայությունը դեռևս փորձնական է: 0

Ահա թե ինչ է ստացվում, երբ երգում են կենդանիները

0

Odnoklassniki.ru կայքում նկարները դիտելու նոր եղանակ

Odnoklassniki.ru-ն օրեցօր փոխում է իր դիզայնը, հնարավորինս մատչելի դարցնելով օգտվողների համար: Չգիտեմ արդյո՞ք գիտեք այս մասին թէ ոչ, բայց ուզում եմ կիսվել ձեր հետ: Այսօր պատահաբար պարզեցի որ Odnoklassniki.ru կայքում նկարները կարող եք փոխել ոչ միայն մկնիկի այլ նաև ստեղնաշարի սլաքների օգնությամբ: 0

Լրտես ծրագրեր (Spyware)

Լրտես ծրագրերը (Spyware) նախատեսված են համակարգչի վրա մուտքագրված ինֆորմացիայի հավաքման, պահպանման և փոխանցման համար:
Այս ծրագրերը չեն համարվում վիրուս և համակարգի համար հիմնականում անվտանգ են, սակայն կարող են մեծ վնաս հասցնել համակարգչից օգտվողներին, քանի որ թույլ են տալիս հետևել օգտագագործողի աշխատանքին, գողանալ գաղտնի տեղեկություններ, այդ թվում՝ գաղտնաբառեր: Սովորաբար լրտես ծրագրերը համակարգչի վրա աշխատում են գաղտնի և միանգամայն աննկատ: Դուք չեք կարող նրանց գտնել ոչ սկավառակի, ոչ էլ բաց ծրագրերի ցուցակում:

Ստեղնաշարային լրտես ծրագրերը (KeyLogger) ոչ միայն գրանցում են մուտքագրված ստեղնաշարային կոդերը, այլ նաև կարողանում են պահպանել և ուղղարկել ինֆորմացիան՝ նախօրոք մշակված հասցեով: Նրանք կարող են տեղեկություններ տրամադրել բաց պատուհանների, օգտագործվող ծրագրերի, այցելվող կայքերի, էկրանի նկարների, և սոցկայքերում հաղորդագրությունների մասին: Այս ծրագրերը օգտագործվում են բազմաթիվ նպատակներով, որոնցից հիմնականը համարվում են մարքեթինգային հետազոտությունները և նպատակային գովազդը. . .

0

Ծիծաղեք նապաստակի հետ

0

Ֆոբիաներ և վախեր

Բոլոր մարդիկ էլ ունենում են տագնապի զգացում կամ վախ ինչ որ մի երևույթից: Սակայն ֆոբիան տարբերվում է սովորական վախից: Ֆոբիան դա հոգեբանական խանգարում է, որի ժամանակ մարդը զգում է հիվանդագին վախ: Վախն առաջանում է բոլոր մարդկանց մոտ, և վերանում է իրական վտանգի անցնելուց հետո: Մինչդեռ ֆոբիայի դեպքում մարդը հասկանում է,որ իր վախն անհիմն է, սակայն չի դադարում վախենալ: Գոյություն ունեն ֆոբիաների տարբեր տեսակներ, որոնցից են՝

Կլաուստրաֆոբիա- վախ փակ տարածքում գտնվելուց;
Ագորաֆոբիա- վախ բաց տարածքներից;
Ակուստիկոֆոբիա- վախ աղմուկից և բարձր ձայներից;
Սպեկտրեֆոբիա- վախ հայելիներից;
Միզոֆոբիա- Վախ կեղտոտվելուց, աղբից և վարակվելուց;
Աերոֆոբիա- վախ թռիչքներից ու թռչող ապարատներից:

Բազմաթիվ հայտնի մարդիկ տառապել են ֆոբիաներով: Նրանց թվին են պատկանում Ջոննի Դեպը՝ ով վախենում է ծաղրածուներից, Ջենիֆեր Լոպեսը և Ջուլիա Ռոբերթսը վախենում են միկրոբներից: Միկրոբներից վախ ուներ նաև Մայքլ Ջեքսոնը: Ստիվեն Սիգալը ինչպես և Ի. Վ. Ստալինը տառապում էր տոքսիկաֆոբիայով.նա վախենում էր, որ իրեն կթունավորեն: Իսկ Ն. Վ. Գոգոլը տառապել է տաֆեֆոֆոբիայով` վախ կենդանի թաղվելուց:

Այս նյութը պատրաստելու ժամանակ հանդիպեցի մի շարք ֆոբիաների, որոնք ոչ թե չհիմնավորված այլ զվարճալի են թվում: Ներկայացնեմ դրանցից մի քանիսը՝

Կիբեռֆոբիա- վախ համակարգչից;
Բլատտոֆոբիա- վախ խավարասերներից;
Օբեզաֆոբիա- վախ գիրությունից;
Ակնեոֆոբիա- վախ մաշկի կորյակներից;
Հեկսակոսիոյհեկսեկոնտահեկսաֆոբիա- վախ 666 թվից; (միայն անվանումը կարդալը ամեն ինչ արժի):
Իսկ այս մեկի մասին ինչ կարծիքի եք՞
Հիպպոպոտոմոմոնստրոսեսկվիպպեդալիոֆոբիա- վախ երկար բառերից:

P.S.Վերջին տողից հետո ես հասկացա, որ սկսում եմ տառապել հիպպոպոտոմոմոնստրոսեսկվիպպեդալիոֆոբիայով: :) 0

2012թ.: Աշխարհի վերջ. իրականություն թե՞ չափազանցություն...

Վերջին ժամանակներս սովորական է դարձել լսել այս արտահայտությունը ՛՛Ըստ մայաների օրացույցի 2012թ սպասվում է աշխարհի վերջը՛՛: Ինտերնետ, ռադիո. էլ չեմ խոսում հեռուստացույցի մասին: Երեկոյան քո համար նստած հանգստանոոմ ես առօրյա հոգսերից մեկ էլ նորից սկսվում են աշխարհի վերջի թեման շոշափող ծրագրերը, գովազդները ու հումորները: Իսկ թէ ովքեր են այդքան հայտնի մայաները, ու թե ինչպես եղավ որ 2012թ պետք է ամբողջ ազգով սպասենք աշխարհի վերջին շատերը նույնիսկ պատկերացում չունեն: Դե ես էլ որոշեցի պարզել դա ու ներկայացնել ձեզ:

Ովքեր՞ են մայաները: Մայաները Կենտրոնական Ամերիկայի հին քաղաքակրթություններից են: Հայտնի են իրենց ճարտարագիտությամբ, արվեստով,աստղագիտական և մաթեմատիկական գիտելիքներով: Ձևավորվել են մ.թ.ա. 2000 թ.մինչև մ.թ.250թ: Հին մայաների հետնորդները ոչ միայն ժամանակակից մայա ժողովուրդներն են, որոնք պահպանել են նախնիների լեզուն, այլ նաև Մեքսիկայի, Գվատեմալայի, Հոնդուրասի իսպանախոս բնակչության մի մասը: Ինչ վերաբերվում է նրանց օրացույցին ու աշխարհի վերջին ասեմ որ մայաների օրացույցը ամեն մեկը մեկնաբանում է այնպես ինչպես իրեն է ձեռնտու: Մայաների լեգենդի համաձայն, մարդկությունն իր ստեղծման սկզբից անցել է արդեն 4 ցիկլ: Ցանկացած ցիկլ վերջացել է այդ ցիկլում ապրող քաղաքակրթության ամբողջական կործանումով:

0